Para pak ditësh Sekretari Organizativ Dardan Molliqaj, ka tronditur opinionin publik me paraqitjen e skemës kriminale në Policinë e Shtetit. Sipas të njëjtit, ky intitucion është shndërruar në folenë e krimit të organizuar me mbështetjen e politikës.
Kjo situatë për qytetarët, sigurisht që është e rëndë, pasi Policia, është rregullatori që duhet të përcjellë besim tek ta. Por, më i rëndë është fakti, se nëse të gjitha akuzat e ngrituara nga Molliqaj janë të vërteta dhe nga policia nuk ka asnjë reagim konkret. Në fakt reagim ka patur, por jo kundërshtues për të gjitha akuzat e skemës së krimit të organizuar të paraqitur nga Molliqaj. Sipas Molliqajt, i pari i Drejtorisë së Përgjithshme, Shpend Maxhuni, përmes lidhjeve me PDK-në është zgjedhur drejtori i Policisë kundërligjshëm, kurse dhëndrri i tij, Kadri Arifi, dyshohet për vjedhjen e Dhomës së Dëshmive, duke qenë në atë kohë ndihmësdrejtor i shtyllës së hetimeve.
“Si zv/drejtor i Njësitit Anti-terror është i vendosur Luan Keka, bashkëshortja e të cilit ishte kandidate e PDK-së për deputete, kurse vetë ai është mik i Shefit te Grupit Parlamentar të PDK-së, Zenun Pajaziti”, shtoi Sekretari Molliqaj. Më tej ai ka treguar, se drejtori i Departamentit të Operacioneve është miku i Elmi Reçicës, Rashit Qalaj, babai i të cilit ka qenë pjesë e partisë së Millosheviqit, ndërkaq, në krye të Drejtorisë së Krimeve Ekonomike është një ish-zyrtar tjetër i ShIK-ut, Emin Beqiri, për të cilin dihet publikisht se ishte vartës i Nazim Bllacës.
Mirëpo, Policia e shtetit, është mjaftuar me një deklaratë përgjithësuese, pa u ndalur një për një tek të gjitha akuzat.
(Tekstin e plotë mund ta lexoni të Marten në publikimin e shtypur të gazetës kombëtare “Bota sot”)
