Ish i dërguari i posaçëm i OKB-së për statusin e Kosovës, Martti Ahtissari, ka thënë se dialogu i Kosovës me Serbinë duhet të vazhdojë.
“Mos humbisni kohë dhe vazhdojeni dialogun me Serbinë – vetëm kështu mund të krijohet stabilitet në vend”.
“Dialogu nuk duhet të shpërfillet”.
Këto komente Ahtisasri i ka bërë përmes një videomesazhi në seminarin e organizuar nga Ambasada e Finlandës për 100 vjetorin e Finlandës.
“Marrëdhënie të mira duhet të keni edhe me shtetet tjera fqinje”.
“Të gjitha palët duhet të diskutojnë me njëra-tjetrën, zgjidhje të qëndrueshme mund të gjinden vetëm nëse diskutojmë bashkë”.
Për të pasur një shtet stabil, Ahtisaari ka thënë se rëndësi duhet ti jepet edhe sundimit të ligjit.
