Bajram Gecaj, këshilltari i kryeministrit Isa Mustafa ka reaguar ndaj deklaratave të deputetes së VV-së, Donika Kadaj Bujupi, e cila thënë se qeveria bën kompromis me serbët për sjelljen e demarkacionit ne Kuvend, përcjell “Bota sot”.
Përmes një postimi në Facebook ai ka thënë se opozita që nga fillimi ka keqpërdorur ndjenjat nacionale dhe shpreson që deputetët e pozitës të mos bien pre e tyre.
Postimi i plotë:
Donika Kadaj-Bujupi: “Në momentin që e sjellin demarkacionin, ata bëjnë kompromise me Listën Serbe dhe në këtë formë e sjellin edhe Serbinë në Kosovë”.
Arma e vetme e opozitës që nga fillimi i këtij mandati ka qenë keqpërdorimi flagrant i ndjenjave nacionale, dhe atë në mënyrën më primitive dhe më të pasinqertë të mundshme. Të shpresojmë dhe besojmë se deputetët e pozitës, posaçërisht bashkëpartiakët e mi, nuk do të bijnë pre e këtyre lojërave sa të ndyra aq edhe të pandershme.