“Tani në këtë moment kur e kanë vërejtur, se janë ndër të parët që pritet të ngrihen aktakuza kundër tyre, po bëjnë përpjekje pareshtur, për ta mbrojtur veten. I kanë ra në qafë Kosovës, po duan pa u hamendur fare të shkatërrojnë çdo gjë, dihet me qëllimin e vetëm, t`i fusin në zgjedhje, e pastaj me ankimime e mospranime, sikur tashmë jemi të mësuar me zgjedhjet e vitit 2014, të tentojnë ta destabilizojnë shtetin tonë. Qëllimi dihet se duan që të krijojnë anarki, këtë e kanë në projektin e tyre, që ta pamundësojnë Gjykatën Speciale të zhvillojë veprimtarinë e sajë të papenguar në Kosovë”, ka thënë Ajet Avdyli.
“Misioni i ri”, ishte titulluar slogani i Partisë Demokratike të Kosovës gjatë fushatës së zgjedhjeve parlamentare të vitit 2014. Me këtë slogan, Hashim Thaçi, atëherë në postin e të parit të PDK-së, kishte marrë afër vetes njerëz të profileve të ndryshme e po ashtu PDK-ja kishte dalë e para në zgjedhje.
Tani që Thaçi më nuk është kryetar i PDK-së, një “Fillim të ri”, për këtë parti e ka nisur Kryetari aktual Kadri Veseli. Ka disa muaj që Kadri Veseli, ka nisur një para-fushatë zgjedhore duke treguar programin me të cilin synon të marr postin e Kryeministrit.
Ndryshimi i “Misionit të Ri” i Hashim Thaçit me “Fillimin e Ri” të Kadri Veselit, po vlerësohet si një përplasje ndërmjet këtyre të dyve për të marrë meritat si lidership i PDK –së. Gjithashtu, analistët vlerësojnë se “Fillimi i ri” i Veselit, ka të bëjë me pastrimin e PDK-së, nga Gjykata Speciale.
Për njohësin e çështjeve politike Ismet Haziri, PDK nga brenda ka një shqetësim të paparë.
(Tekstin e plotë mund ta lexoni të Hënën në publikimin e shtypur të gazetës kombëtare “Bota sot”)