Pas rënies së Qeverisë dhe shpërbërjes së Kuvendit, mëngjesin e të enjtes përfaqësuesit e partive politike,përveç LDK –së, janë takuar me Presidentin Hashim Thaçi, për të caktuar datën e zgjedhjeve. Zyrtarisht u konfirmua, se presidenti Thaçi, u tha të pranishmëve se datat e mundshme për mbajtjen e zgjedhjeve, sipas Kushtetutës së vendit janë 11 dhe 18 qershori.
Mirëpo mbajtja e zgjedhjeve, në mungesë të reformës zgjedhore pritet të përsëritë gabimet dhe skandalet e zgjedhjeve të mëparshme. Në fakt reforma zgjedhore është bllokuar dhe mbajtur peng nga vetë partitë politike, pasi iu shkojnë për shtat zgjedhjet në mjegull.
Rikujtojmë, se në prag të zgjedhjeve komunale në Drenas, Presidenti Hashim Thaçi pati folur për reformën zgjedhore. Më pas edhe Kryetari i Kuvendit të Kosovës Kadri Veseli, pati deklaruar se deri në fund të dhjetorit të vitit 2016 do të përfundonte reforma zgjedhore.
Kreu i PDK-së, në një intervistë për mediat në vend, pati ka deklaruar se reforma zgjedhore është e domosdoshme, në mënyrë që të prodhohen zgjedhje më të mira në Kosovë, madje pati përmendur edhe disa propozime konkrete, se si mund të avancohet procesi zgjedhor, përmes reformës.
(Tekstin e plotë mund ta lexoni të Premten në publikimin e shtypur të gazetës kombëtare “Bota sot”)
