Anëtarja e LDK-së, Hykmete Bajrami ka thënë se ata si parti por edhe si koalicion me AKR-në dhe Alternativën nuk do të merren me individë dhe deklarimet e tyre.
Këtu ajo është lidhur me ato që thonë anëtarët e Vetëvendosje, për kandidatin e tyre për kryeministër, Avdullah Hotin.
“Nuk pres prej Vetëvendosjes të thotë ata se Avdullah Hoti është i mirë”, ka thënë Bajrami në Magazina Zgjedhore.
“Ne nuk do të merremi me epitete, fyerje dhe gjëra të tjera – kjo nuk është në natyrën tonë”, ka theksuar ajo.
Më tej Bajrami ka deklaruar se besojnë që pavarësisht bindjes politike qytetarët duhet të jetojnë në harmoni më njëri-tjetrin.
“Ne jemi kundërshtar, do të punojmë më të gjithë mekanizmat që të fitojmë – kështu kemi punuar edhe me listën që të jetë sa më kualitative”, ka shtuar ajo.
