“Mbase Kadriu po harron se partia të cilën e udhëheq është që 10 vjet në pushtet, për këto dhjetë vjet ka katandisur këtë vend në greminë, iu ka vrarë ëndrrat fëmijë dhe na i ka abortuar shpresat. Këta që kanë vjedhur edhe në varreza të dëshmorëve, kanë vjedhur edhe në ilaçe të fëmijëve edhe në shkumësa të nxënësve, këta do e ndërtojnë ardhmërinë ...jo asnjëherë. Kadriu është sinonim i krimit, korrupsionit dhe nëntokës që edhe sot po udhëheq shtetin” ka thënë analisti Faton Mehmeti.
Ka mbetur më pak se një muaj për mbajtjen e zgjedhjeve të parakohshme, kurse fushatat parazgjedhore kanë filluar që moti. Përmes videove të ndryshme, përmes pankartave vendosur në rrugë të ndryshme të vendit, por edhe përmes vizitave nëpër vendet e ndryshme të Kosovës, duke kërkuar përkrahjen nga elektorati, partitë politike tashmë kanë hyrë në fushatën para zgjedhore.
Një fushatë “e fshehur” ishte bërë edhe para rrëzimit të qeverisë. Kishte qenë kreu i PDK-së, Kadri Veseli, ai i cili pothuajse që nga fillimi i vitit 2017 kishte filluar me daljen e tij në terren, duke e quajtur kështu “turi i dëgjimit”.
Kurse, pas rrëzimit të qeverisë Mustafa, PDK-ja fushatën e ka fuqizuar edhe më tepër.
Deklarata e cila ka tërhequr vëmendjen mediatike, është betimi i Veselit në Mitrovicë. Ai ka thënë se do të punojë për Kosovën sikurse për fëmijët e tij.
(Tekstin e plotë mund ta lexoni të Mërkurën në publikimin e shtypur të gazetës kombëtare “Bota sot”)