Fisnik Ismaili e Lumir Abdixhiku përplasen në Facebook

Politika

Fisnik Ismaili e Lumir Abdixhiku përplasen në Facebook

Më: 26 maj 2017 Në ora: 21:28
Lumir Abdixhiku dhe Fisnik Ismaili

Kandidati për deputet nga Lidhja Demokratike e Kosovës (LDK), Lumir Abdixhiku, ka thënë se kapja e Kosovës është nisur e mirëmbajtur nga PDK-ja.

Abdixhiku ka theksuar se fronti i LDK-së, synim kryesor ka ç’kapjen e Republikës, zhvillimin ekonomik, forcimin e shtetit, luftën e pakompromis ndaj krimit e korrupsionit,.

“Ky synim s’mund të arrihet me PDK-në si partner. Ky synim arrihet veç me PDK-në në opozitë. Një LDK e pastër këtë do ta bëjë. Vija e përballjes me ta është e palëkundshme”, ka shkruar Abdixhiku në një postim në rrjetin shoqëror në Facebook.

Mirëpo i menjëhershëm ka qenë reagimi i kandidatit për deputetë nga Vetëvendosje, Fisnik Ismaili, i cili i ka kërkuar Abdixhikut që ta ndryshojë qasjen. “Gabim i ke hy fushatës”, i ka shkruar Ismaili-Abidxhikut.

Më poshtë mund të shihni komunikimin e të dy kandidatëve për deputetë të Kuvendit të Kosovës.

Image
Image
Sot mund të lexoni Shfletoni kopertinat