Banorët e fshatit Baks të Skenderajt do ta kenë të vështirë të vendosin se për kë do të votojnë nese ata janë përcaktuar për PDK-në. Kjo pasi në garë për deputet nga ky fshat janë tre kandidatë.
Ganimete Musliu, është njëra ndër kandidatet e cila ka lindur dhe është rritur ne këtë fshat të Skenderajt. Musliu njihet si deputete që është munduar ta jap kontributin e vet për mirëqenien e banoreve të Drenicës.
Abdyl Saliuhu, është kandidati tjetër i PDK-së që vjen po nga ky fshat. Aktualisht Salihu jeton dhe punon në Mitrovicë. Banorët atje e njohin si një ndër doktorët me të mirë që ka qyteti i Mitrovicës.
Abdyl Ymeri, po nga PDK-ja është kandidati i tretë nga i njejti fshat. Ymeri ka linur dhe është rritur në këtë vend, ndërkohë tash jeton Skenderaj.
Në zgjedhjet e parakohshme parlamentare të 11 qershorit, pritet të garojnë 5 koalicione, 19 parti politike dhe 2 iniciativa qytetare.
Partive politike u ka mjaftuar shpallja e zgjedhjeve të reja, në mënyrë që brenda natës, të zotohen se do t’i zgjidhin, të paktën deklarativisht, problemet e shumta të grumbulluara në Kosovë.
