Në skemën pensionale në alternativën e koalicionit LDK-AKR-Alternativa, do të përfshihen edhe dy kategori të reja.
Këtë e ka bërë të ditur kandidatja për deputete nga Alternativa, Mimoza Kusari- Lila, e cila ka thënë që kësaj skeme do t’i shtohen edhe kategoria e grave të dhunuara gjatë luftës dhe familjaret e personave të pagjetur.
“Dy kategori që do të përfshihen në skemën pensionale janë gratë e dhunuara gjatë luftës edhe kategoria e familjarëve të të pagjeturve. Është diskutuar që do të këtë një mbështetje krahas mbështetjes së veteranëve dhe invalidëve të luftës” ka thënë Kusari-Lila në një intervistë në Magazinën Zgjedhore të Klan Kosovës”
Ndërsa Ministri i Punës dhe Mirëqenies Sociale në largim, Arban Abrashi, ka thënë që përmes krijimit të fondit pensional, pensionet do të pësojnë ngritje tek të gjitha skemat.