2 dekada nga përfundimi i luftës dhe nëntë vjet pavarësi fajtorët për masakrat, dhunimet e femrave shqiptare, rrahjet e maltretimet, djegiet e shtëpive dhe dëmet tjera ende nuk janë dënuar.
Saranda Bogujevci është e mbijetuara e familjes Bogujevci pas masakrës së bërë nga forcat serbe në oborrin e saj. Ajo kishte parë vrasjen e vëllait me plumb në kokë pranë këmbëve të saj, kishte parë kushërinjtë më të afërt, gjyshen dhe hallat duke u vrarë nga forcat serbe.
Saranda në atë kohë ishte vetëm 13 vjeçare dhe kishte shpresuar për mbijetesën e nënës dhe vëllait tjetër të saj, mirëpo jo, ajo së bashku me katër kushërinjtë e saj ishin të vetmit të mbijetuar.
Saranda ka shpresuar se një ditë serbët do të akuzohen për krimet e bëra ndaj tyre, mirëpo një gjë e tillë nuk ka ndodhur ende.
Sikurse Saranda janë edhe familjet e mbi 10 mijë personave të cilët janë vrarë në Kosovë të cilët kërkojnë që Serbia të paguajë për gjenocidin e bërë. Por, gati 2 dekada që nga përfundimi i luftës dhe nëntë vjet pavarësi fajtorët për masakrat, dhunimet e femrave shqiptare, rrahjet e maltretimet, djegiet e shtëpive dhe dëmet tjera ende nuk janë dënuar.
Presidenti aktual Hashim Thaçi, edhe tani, por edhe gjatë postit të tij si Kryeministër, Zëvendës Kryeministri dhe Ministri i Jashtëm i Kosovës kishte thënë vazhdimisht që Kosova do të ngritë padi ndaj Serbisë për krimet e luftës, mirëpo asgjë konkrete nuk ka pasur.
(Tekstin e plotë mund ta lexoni të Merkuren në publikimin e shtypur të gazetës kombëtare “Bota sot”)