21 qershori shënon 18 vjetorin e demilitarizimit të Ushtrisë Çlirimtare të Kosovës. Edhe 18 vite pas luftës, emri i Ushtrisë Çlirimtare të Kosovës, vazhdon të përdoret e të keqpërdoret, nga të gjithë dhe për gjithçka.
Fjala UÇK, dëgjohet më së shumti nëpër fushata zgjedhore, tubime përkujtimore e momente kur politikanët janë të zënë ngushtë për raste të caktuara. Në anën tjetër, ish pjesëtarët e UÇK-së, vazhdojnë të jetojnë në kushte të rënda ekonomike, derisa askush nga politikanët nuk lodhet për ta.
Heronjtë, tashmë janë bërë “gjahu” i partive politike. Në ditët e sotme, emrat e të vdekurve të cilët luftuan pa asnjë kusht për vendin, shfrytëzohen si trampolinë e politikanëve për të arritur në pushtet. Nën sloganin “Për këtë kemi luftuar”, persona të caktuar synojnë të arrijnë sa më lartë pa asnjë meritë.
(Tekstin e plotë mund ta lexoni të Enjten në publikimin e shtypur të gazetës kombëtare “Bota sot”)
