Një ditë më parë, kryetari i LDK-së, Isa Mustafa, bëri të ditur se pa postin e kryeministrit nuk mund të ekzistojë asnjë marrëveshje me Lëvizjen Vetëvendosje.
Një ditë pas, këtë e kundërshtoi bashkëpartiaku i tij, Arben Gashi duke thënë se ka parime tjera për të cilat do të duhej të diskutoheshin dhe se posti i kryeministrit është gjuhë e vjetruar dhe e gabuar.
“Unë po të isha kryetar i LDK-së normalisht që kisha bisedu por kisha bisedu në terma tjerë. Jo në terma se kush është kryeministri, ma jep kryeministrin, ta japë kryeministrin, nuk mendoj se është gjuha e cila duhet më përdor, është gjuhë e vjetërume”, ka thënë ai në Rubikon.
“Demarkacioni, asociacioni dhe bisedimet me Serbinë se si na si koalicion do t’i zgjidhim, me këtë zgjidhje a kemi".
Gashi theksoi se dallim substancial me LVV-në mbetet deklarimi për vlerësimin e figurës së Ibrahim Rugovës.
“Çështje substanciale me Vetëvendosjen në këtë rast është vlerësimi politik që këta kanë për figurën qendrore të LDK-së e që është Ibrahim Rugova”, ka thënë ai.