Ish-deputeti i Kuvendit të Kosovës nga radhët e Lidhjes Demokratike të Kosovës, Blerim Grainca, ka folur për gjasat e një bashkëpunimi ndërmjet LDK-së dhe Lëvizjes Vetëvendosje, për formimin e mundshëm të qeverisë së re.
Grainca ka thënë në RTV Dukagjini se LDK do të futej në koalicion me VV-në vetëm nëse do t'i sigurohej posti i kryeministrit.
"Vetëm posti i kryeministrit e detyron LDK-në të hyjë në koalicion me Vetëvendosjen", është shprehur ai.
Grainca ka mohuar mundësinë e një bashkëpunimi ndërmjet LDK-së dhe koalicionit PAN për formiminin e qeverisë së re.
