Lëvizja Vetëvendosje ka dal me reagim zyrtarë lidhur me ftesë e presidentit Hashim Thaçi për një takim më partitë politike për të caktuar datën e seancës konstituive.
Sipas VV-së Presidenti nuk asnjë kompetencë ligjore për një ftesë të tillë dhe se ata nuk asnjë obligim ligjor për të shkuar në atë takim.
Vetëvendosje i ka bërë thirrje Presidenti që të caktojë datën e kësaj seancë, në të kundërtën deputetët do thërrasin vetë ashtu siç është e përcaktuar më ligj.
“Thaçi nuk ka asnjë kompetencë ligjore që t’i ftojë subjektet politike për t’u konsultuar lidhur me ditën dhe datën e mbajtjes së seancës konstituive të Kuvendit dhe ne nuk kemi asnjë obligim ligjor që të shkojmë në këtë takim. Afati ligjor për thirrjen e seancës konstituive është i përcaktuar ligjërisht dhe Thaçi thjesht e ka obligim kushtetues ta kumtojë ditën dhe orën e mbajtjes së seancës konstituive të Kuvendit. Nëse Thaçi nuk e bën këtë, atëherë ne, si deputetë të Kuvendit të zgjedhur me votën e popullit, do ta bëjmë ashtu siç është e përcaktuar me Kushtetutën e Republikës së Kosovës”, thuhet në reagimin e Vetëvendosjes.
Sipas tyre ftesa e Thaçit është një tendencë për të krijuar përshtypjen se ka një krizë .
“Ftesa e Thaçit për takim konsultativ, është përpjekje që përmes takimeve joformale të tipit parapolitik ta bëjë të paqartë thirrjen e seancës konstituive. Kjo është tendencë e qartë për të krijuar përshtypjen e krizës ku të gjithë duhet të ulen në një tryezë dhe ka thjeshtë për qëllim shpërlarjen e takimeve të kafeneve me koalicionin e PAN-it, të cilit duke qenë se më shpejtë po i ikën koha se sa që po i bëjnë numrat për formimin e qeverisë, po mendojnë se tek Thaçi kanë gjetur mundësinë për blerjen e kohës. Thaçi e ka shfrytëzuar këtë ftesë, për t’ia mbuluar PAN-it humbjen e të gjitha afateve të cilat ata vetë i kanë caktuar. Kësisoj, Thaçi vetë i skaduar, ka pranuar këtë rol prej shpëtimtarit fallso për t’u rikthyer sërish në skenë, ku deri më tani qëndronte vetëm nëpërmjet thirrjeve telefonike me Vuçiqin”, thuhet në reagim.
Presidenti Hashim Thaçi u ka dërguar ftesë partive poltike për një takim konsultativ nga i cili do t cakohet seanca konstituive e Kuvendit. Ky takim është thirrur për ditën e hënë më 24 korrik.
