Kryeministri i Republikës së Kosovës, njëherit edhe kryetar i LDK-së, Isa Mustafa, përmes një postimi në facebook ka thënë se është qëndrim i LDK-së të mos votohet Kadri Veseli për Kryetar të Kuvendit.
Sipas Mustafës, Veselin nuk do ta votojnë as deputetët e këtij koalicioni nga AKR dhe Alternativa.
“Qëndrim unanim I Këshillit të Përgjithshëm sot ishte se përgjegjësinë për themelimin e instituiconeve e kanë subjektet e renditura para LDK-së. Ato që u organizuar bashkë për ta rrëzuar qeverinë e drejtuar nga LDK-ja. Në qoftë se ato dështojnë apo nuk mund të bëjnë këtë, atëherë LDK do të japë ofertën e vet, por gjithnjë pa PDK-në”, ka shkruar Mustafa, përcjellë “Bota sot”.
