Edhe pse Kosova është një vend i pavarur, në Kosovë ende dyshohet se ka shërbime sekrete serbe, si dhe ato ruse. Sipas eksperteve të sigurisë, edhe pas 18 vite nga çlirimi i vendit këto shërbime po vazhdojnë të rrisin ndikimin e tyre.
Sipas tyre këto shërbime vazhdimit kanë qenë prezente në Kosovë, sidomos në veri të vendit dhe se po vazhdojnë që të rrisin ndikimin e tyre edhe në nxitjen e radikalizmit fetar.
Ndikimi rus në rritje në Kosovë
Eksperti i sigurisë, Hajrullah Tërnava, në një prononcim për gazetën “Bota sot”, lidhur me këtë çështje ka thënë se regjioni e Ballkanit gjithnjë është teren i përshtatshëm ndaj kërcimeve të forta të botës si në këtë rast të Rusisë, këtë më së miri e dëshmon edhe situata në terren.
“Tani shumica e vendeve të Ballkanit kanë mbetur jashtë BE dhe Rusia gjithnjë ka intenca që të jetë e pranishme në këto pjesë që përmes edhe këtij territori të del edhe në deterat Adriatik, Jon etj. Tani ndikimi rus është i dukshëm sepse vet fakti që në Nish e kanë krijuar bazën ushtarake shume te forte e qe edhe ne kohen e komunizmit nuk ka pas aso prani ne këto vende, tani janë të qarta qëllimet e tyre sikur që i shpjegova, njashtu u pa qartë ai ndikim edhe gjate periudhës se zgjedhjeve në Maqedoni që mbi gjashtë muaj pati çrregullime deri në dhunë”, ka thënë Tërnava.
Tërnava thekson se Kosova është dhe do të jetë një kohë të gjatë shumë e rrezikuar nga ndikimi Rus dhe ky ndikim është në rritje e sipër.
“Veprimet e tilla shumë mtë efektshme i zgjedhin që i përshtaten kohës dhe mesit si në rastin e radikalizmit fetar në Kosove ku popullata e saj është mbi 85% myslimanë. Prandaj me veprimet e tyre mes shërbimeve sekrete Rus e ati Serbe, e duke financuar mes njerëzve të vet që i kanë edhe në Kosove. Është për t`u çuditur se si njerëzit e shkolluar fetar - hoxhollar aq lehtë bien pre e këtyre ndikimeve dhe pranojnë t`ë bëjnë shërbim dreqit duke u vu në shërbimet sekrete serb e rus dhe duke u thirr se "kush lufton për fenë ka për të shkuar shehit në atë dynja", kanë ndikuar që rreth 350 luftëtar të jenë pjesë e ISIS-it, e me këtë rejting Kosova humb autoritetin e saj në arenën ndërkombëtare dhe të jetë jashtë BE, liberalizimit të vizave, OKB, UNESKO, INTERPOL e shumë organizatave tjera profitabile për Kosovën”, ka theksuar Tërnava.
Gjithashtu, ai ka thënë se nuk është çudi pse një numër i hoxhallarëve me ato rroga aq të vogla janë bërë milionerë.
“Por, është një e thënje popullore se” rrushi afër rrushit piqet”, edhe këta duke marr mësim te politikanët e pas luftës që dikur ishin të varfër e tani janë bërë milionerë, e po e jetojnë jetët e tyre në lukset më të larta. Veç sa Xhamit janë ndërtuar pas luftës, po me i krahasuar edhe vendet më myslimane që janë në botë nuk kanë sa na tani Xhami. Xhami është për fetarin edhe vendi apo shtëpia ku falet veç le të jetë e disciplinuar dhe në harmoni me ligjin dhe zoti ja banë kabull”, ka thënë Tërnava për “Bota sot”.
Në fund, Tërnava ka thënë se të gjitha këto po shkaktojnë telashe dhe kthim mbrapa që Kosovës po i humbin hapin me kohën.
Shërbimet serbo-ruse prezentë në Kosovë
Ndërkaq, ish agjenti i SHIK-ut, dhe ish pjesëtar i UÇK-së, e njohës i çështjeve të sigurisë, Naim Miftari, ka thënë se shërbimet sekrete të Rusisë ka kohë që janë prezentë në Kosovës, pasi që ato janë këtu pasi që janë marrë vesh me kriminelin dhe kasapin e Ballkanit Sllobodan Mlillosheviqi.
“Po shërbimi sekret ushtarak Rus është prezent në Kosovë që nga viti 1999 kur pa i pyetur fare NATO-n dhe as miqtë tanë, por duke u merr vesh vetëm me Sllobodan Mlillosheviçin u futen me forca të armatosura nga Bosnja kaluan përmes Serbisë dhe u vendosen ne aeroportin e Prishtinës ku ishin edhe shumë armë ushtarake por edhe ekzistonin disa kontejner të çuditshëm ku kishte helme kimike ushtarake serbe”, ka thënë Miftari.
Ai ka thënë së NATO nuk ka pasur guxim që t’i largojë këto shërbime ruse.
“Dhe as NATO as në Kosova nuk patën guximin ti përzinin, pra nga viti 1999 shërbimi rusë i inteligjencës është prezent dhe pastaj vjen FSB shërbim sekret rusë përmes zyrës zyrtare ruse e cila ishte shumë afër shtëpisë ku banonte me vite Ramush Haradinaj në Dragodan”, ka thënë Miftari për “Bota sot”.
Kurse, për veriun e Kosovës ka thënë Miftari se nuk është sekret se monitorohet dhe kontrollohet shumë nga shërbimi sekret rus.
“Dhe ku furnizohet rregullisht kinse me ndihma humanitare Ruse përmes qendrës të tyre në Nish e cila qendër nga CIA dhe DASH Amerikan llogaritet dhe trajtohet si qendra e FSB Ruse për Ballkan. Edhe sulmet dhe vrasja e policëve të UNMIK-ut e të EULEX-it në veri, sulmet kundër KFOR-it amerikan dhe shteteve tjera, pos Franceze, është dorë e zgjatur e shërbimit sekret rusë i ndihmuar nga ai shërbimi sekret Serb BIA”, thekson Miftari. për “Bota sot”.
Gjithashtu, ai ka thënë se pos rrezikut të drejtpërdrejt nga ky kombinim fatal Ruso -Serb përmban edhe rrezikun permanent nga radikalizmi islamik.
“Ku një dorë të ndihmës i jep edhe ndikimi turk ndaj fesë në Kosovë dhe shërbimi sekret turk dhe çdo herë që do të ketë sulm terrorist në Kosovë ndaj ambasadës amerikane, gjermane apo britanike fajtorin duhet kërkuar në veprimet speciale që veprojnë nën kupolën e shërbimit sekret rusë, serb dhe atij turk”, ka përfunduar Miftari.
AKI e pafuqishme përballë këtyre shërbimeve
Ndërsa, ish pjesëtari i UÇK-së, , Hasan Zeneli ka thënë për “Bota sot” se ndikimi rus në Ballkan daton herët dhe por, varësisht nga rrethanat në Rusi, ky ndikim herë ka qenë më i fortë dhe herë më i dobët.
“Tash kur Rusia duket se i ka marrë këmbët, ky ndikim rritet dhe përshpejtohet. Kosova përveç se nga shërbimi serb BIA, rrezikohet edhe nga shërbimet serbe të sigurisë, të cilat në një formë apo një tjetër operojnë të binjakëzuara me shërbimet serbe në Kosovë!”, ka thënë Zeneli.
Zeneli ka thënë se Agjencia Kosovare e Inteligjencës përballë këtyre dy shërbimeve, duket të jetë shumë e pafuqishme.
Më tej, Zeneli ka deklaruar se ndërrimi i kuadrove të drejtorive aty, pas çdo ndërrimi të Drejtorëve, ka ndikuar që të bie efikasiteti i punës dhe kjo na ka dëmtuar shume duke e favorizuar Serbinë dhe Rusinë.
Ndërsa, lidhur me radikalizmin e fetar, ashtu siç e quan Zeneli nuk është kapur në rrënjë, pasi që dyshon se rastet për Grupet e Badovcit dhe të Elbasanit, mund të jenë bërë me qëllime të caktuara.
“Radikalizmi i vërtetë në Kosovë ende nuk është kapur në rrënjë. Grupi i Badovcit dhe Grupi i Elbasanit, më shumë janë fryerje që e kanë bërë individ të AKI-së për t'u ngritur në grada se sa ka realitet aty. Këtë fakt e dëshmoj Gjykata e cila kategorikisht disa here i ka hedhur poshtë "faktet" e ofruara. Mendoj se Drejtori i Drejtorisë për Terrorizëm, Bekim Mustafa, me disa punëtor të vet e ka montuar edhe Badovcin edhe Grupin e Elbasanit”, ka thënë Zeneli.
Ai ka thënë se radikalizmi i vërtetë është ushqyer nga Serbia dhe Maqedonia.
“Sepse jo rastësisht të gjithë djemtë e Kosovës, që janë dhe kanë qenë në Siri e Irak vijnë nga Komunat e Kaçanikut, Vitisë dhe Gjilanit. Mendoj se në AKI dhe në Policinë e Kosovës duhet të bëhen ndërrime të kuadrove. Sa më parë aq më mirë!”, ka thënë Zeneli për “Bota sot”.
