Mediat serbe kanë raportuar se kandidati për Kryeministër nga koalicioni PAN, Ramush Haradinaj, është takuar javën e kaluar me një biznesmen serb, të cilit i ka ofruar shuma marramendëse për mbështetjen e deputetëve të Listës serbe.
Siç shkruajnë mediat serbe, kandidati për Kryeministër i ka ofruar biznesmenit shumë tronditëse në mënyrë që ai përmes kontakteve të tij me autoritetet në Beograd, të sigurojë mbështetjen e deputetëve serbë që në parlamentin e Kosovës ta votojnë dhe mbështesinë Haradinajn për Kryeministër.
Ndërsa, analistët politikë duke komentuar takimin e mundshëm të Haradinajt me biznesmenin serb, shprehen se kjo klasë politike është e gatshme të takohet me çdo kënd që të arrijnë në pushtet.
Sipas tyre, jo vetëm Ramushi, por e tëra klasa politike ka lidhje biznesore me serbët dhe kjo nuk është gjë e panjohur.
“Tani nuk e di me saktësi se sa është i vërtetë lajmi nga mediat serbe se Ramushi është takuar me ndonjë biznesmen serb, por ajo që është me saktësi është se kjo klasë politike është e gatshme të takohet edhe me djallin për të arritur në pushtet. Koalicioni PAN, në vetvete ngarthen kriminalitetin, haraçin, terrorin, vrasjet dhe shantazhin. Tek PAN, ndodhen te grumbulluara të gjitha llojet e krimeve, andaj nuk është fare çudi edhe nëse Ramushi është takuar me ndonjë biznesmne serb. Jo vetëm Ramushi, por e tëra klasa politike ka lidhje biznesore me serbët, dhe kjo nuk është fare e panjohur” pohon analisti Faton Mehmeti.
Sipas Mehmetit, Lista serbe do të jetë kryesore në qeverinë Haradinaj nëse do të arrihet ajo qeveri.
Ai shton se do të bëhen lëshime karshi Serbisë dhe serbëve në Kosovë, duke përfshirë këtu legjitimitetin e asociacionit, shtimin e kompentencave në institucionet e Kosovës dhe forcimi i lidhjeve me Serbinë.
“Lista Serbe është faktorizuara nga mos unfikimi i faktorit shqiptar, për interesa të tyre meskine, në këtë sens Lista Serbe do të jetë kryesore në qeverinë Haradianaj, dhe gjatë kësaj kohe (të qeverisjes Haradinaj, nëse ndodhë ) do bëhen shumë lëshime karashi Serbisë dhe serbëve në Kosovë. Gjatë qeverisës Haradinaj, serbët do legjitimojnë asociacionin, pastaj shtimin e kompetencave në institucionet e Kosovës dhe forcimin e lidhjeve me Serbinë. E kjo do të ketë pasoja edhe në të ardhmen, kjo "fal " mos unfikimit të faktorit shqiptar” thekson Mehmeti.
Mehmeti shprehet se bashkëpunimi me serbët duhet të jetë, mirëpo deri në atë masë sa i takon e jo të faktorizohen.
“Është e patjerësueshme që duhet bashkëpunuar me serbët, por për aq sa iu takon, jo të faktorizohen në atë masë sa duhet të iu plotësohen @do gjë. Lista Serbe i ka zënë " bishtin me dere" PAN-in, andaj do të detyrohet të realizojë çdo kërkesë të tyre. Kam frikë se gjëra të këqija do i ndodhin Kosovës gjatë qeverisës Haradinaj me serbët me faktorizimin e serbëve në nivel superior” përfundon Mehmeti.
Kurse, ndryshe nga Mehmeti, analisti Blerim Burjani pohon se kushtetuta ua garanton serbëve që kushdo që të jetë në pushtet, ata t’i kenë ministrit e tyre.
a i përket takimit të mundshëm në mes të kandidatit për Kryeministër nga koalicioni PAN, Ramush Haradinajt, dhe biznesmeti serb, Burjani thotë se nuk ka njohuri dikush.
Për këtë nuk di gjë, se kë ka takuar ai. Por, serbët ashtu me këdo qoftë në pushtet i kanë ministrit e tyre që ua garanton kushtetua e vendit, gjëra tjera nuk dihen dhe nuk ka njohuri askush” përfundon Burjani.
