Koalicioni LDK-AKR-Alternativa, ka konfirmuar unitetin me anë të një takimi të mbajtur të mërkurën në orët e mbrëmjes. Përfundimisht i është vendosur blloku koalicionit PDK-AAK-Nisma. Kjo nuk pritej të ndodhte pas gjithë atyre lajmeve për luhatjen e AKR-së.
Koalicioni PAN do të paraqitet në seancën konstituive të 24 gushtit, por nuk do t`i ketë votat e mjaftueshme për zgjedhjen e kryetarit të Kuvendit.
PAN edhe zyrtarisht nuk mund të llogari në mbështetjen e shumë pretenduar të AKR-së.
Ëndrrën e PAN-it e ka shuar koalicioni LDK-AKR-Alternativa , pavarësisht se deputetët në mënyrë individuale kanë ditur të befasojnë gjithmonë.
“Koalicioni i LDK-së me AKR-në si dhe me Alternativën është i fortë sa në ditët e fillimit të tij. Qëndrimet e shprehura për t'u krijuar Qeveria e vendit, janë shprehje e orientimeve shtetformuese të partnerëve tanë dhe këtë LDK nuk e kupton si orientim për thyerje të marrëveshjes së koaliconit dhe perspektivës sonë të përbashkët strategjike”, ka shkruar në postimin e tij në facebook, kryeministri Isa Mustafa.
Ka pak gjasa që të zgjidhet ngërçi politik në Kosovë. Varka e politikës së Kosovës po lundron në një kahje krejt të kundërt me atë që politikanët kanë premtuar e thënë deri më tash.
(Tekstin e plotë mund ta lexoni të Enjten në publikimin e shtypur të gazetës kombëtare “Bota sot”)
