Derisa koalicioni PAN-AKR është në pritje të kthimit nga Beogradi të deputetëve serbë për të votuar Qeverinë e Ramush Haradinajt, kryeministri dhe kryetari i LDK-së Isa Mustafa ka disa fjalë për të thënë.
Mustafa në një postim në Facebook, e ka quajtur të tmerrshme gjendjen aktuale në Kuvendin e Kosovës, përcjell Bota sot.
Ai ka thënë se koalicioni PDK-AKR duhet të tërhiqet sot ose të rrëzohet dhe të themelohet një koalicion pa PDK-në dhe Listën serbe.
Postimi i plotë i Mustafës:
Është e tmerrshme kjo gjendje në Kuvendin e Kosovës. Zgjidhja është në shumicën shqiptare në Kuvend. Prandaj sot do të duhej të tërhiqet apo të rrëzohet ky koalicion dhe të themelohet koalicioni i madh pa PDK-në dhe pa ndikim të Listës Serbe. Nuk duhet të lejojmë këtë masakër të Serbisë në institucionet shtetërore të Kosovës!/BS
