Zgjedhjet lokale të 22 tetorit partitë politike i presin si dyshim të votave të tyre ani pse zakonisht këto zgjedhje gjithmonë kanë sjell risi në politiken vendore. Vetëvendosje e cila në zgjedhjet nacionale pati ngritje të lartë të votave pret dyfishimin e këtyre votuesve dhe sipas zyrtareve të saj Vetëvendosje është e pa ndashme.
Lidhja Demokratike e Kosovës e cila në zgjedhjet nacionale pati rënie të votuesve, për zgjedhjet komunale të tetorit është e bindur se do të fitoj në komunat që i ka qeverisur dhe më herët. Ata po ashtu kanë thënë se janë të bindur në fitoren e dy qyteteve më të madhe në vend Prishtinës dhe Prizrenit. Deputeti i VV-së Rexhep Selimi ka thënë se dyfishimi i Lëvizjes Vetëvendosje në Zgjedhjet e 11 Qershorit ka qenë diçka e pritshme dhe reale.
Sipas tij, rritja e Lëvizjes në Zgjedhjet Lokale të 22 Tetorit është e pritshme dhe e pandalshme. “Referuar në rezultatet e 11 Qershorit ne jemi të parët përballë të gjitha partive dhe koalicioneve në shumë komuna. Prandaj 22 Tetori do të na sjellë fitues në shume komuna. Janë shumën faktorë që e kane sjell rritjen e Lëvizjes. Keq qeverisjet e partive tjera në nivel qendror dhe atë lokal, «koalicionet tregtare» të subjekteve me njëra tjetrën, por mbi të gjitha forcën edhe më të madhe të Lëvizjes Vetëvendosje e sjell vetë Lëvizja Vetëvendosje me rrugën e saj të drejtë dhe gjithsesi edhe udhëheqja e mirë e Prishtinës nga LVVja që do të jetë shembull edhe për komunat tjera. Prandaj suksesi i Lëvizjes Vetëvendosje në zgjedhjet e 22 tetorit është i pandalshëm dhe i sigurte”, ka thënë deputeti Selimi. (Tekstin e plotë mund ta lexoni të mërkurën në publikimin e shtypur të gazetës kombëtare “Bota sot”)