Ramush Haradinaj, njëri ndër kundërshtuesit më të mëdhenj për demarkacionin me Malin e Zi ka ripërsëritur qëndrimin se marrëveshja e nënshkruar më 15 gusht për demarkacionin e kufirit me Malin e Zi është e gabuar dhe si e tillë, sipas tij duhet të rishikohet. Haradinaj, këtë qëndrim e ka dhënë dy ditë më parë pas një takimi që pati me bashkë partiakun e tij, ministrin e ri të Infrastrukturës Pal Lekaj.
I pyetur lidhur me raportimet se Ambasada e Amerikane nuk do të përkrah version tjetër të demarkacionit, Haradinaj ka thënë se çdo ndryshim do të bëhet në koordinim të plotë me mekanizmat ndërkombëtar dhe se ambasada e ShBA-së nuk ka deklaruar se nuk përkrah vendimin e qeverisë.
Në mbledhjen e parë të Qeverisë Ramush Haradinaj, ka shkarkuar kryetarin e Komisionit për shënjimin e kufizimit me Malin e Zi, Murat Mehën, dhe në vend të tij e emëroi ish-deputetin e LDK-së, profesorin e gjeografisë, Shpejtim Bulliqin.
(Tekstin e plotë mund ta lexoni të Premten në publikimin e shtypur të gazetës kombëtare “Bota sot”)