Lëvizja Vetëvendosje është e konsoliduar në përpjekje për t’i dhënë fund Qeverisë Haradinaj, por pret që angazhim të ketë edhe nga pjesa tjetër e opozitës dhe qytetarët. Qeveria e Republikës se Kosovës në krye me Ramush Haradinaj, po shihet si qeveri e cila shumë shpejt mund të rrëzohet, pasi që Haradinaj vetëm për apetitet e tij, sipas tyre, ka bërë pazare të shumta.
Deputetja e Vetëvendosjes në Kuvendin e Kosovës, Albulena Haxhiu ka thënë për “Bota sot” se ka shumë arsye për t’u angazhuar në rrëzimin e Qeverisë Haradinaj.
“Shpresoj që tashmë edhe apetitet e kryeministrit Haradinaj janë shuar, sepse vetëm e vetëm për t’u bërë kryeministër ishte në gjendje të bënte pazare të shumta, si ato ndërmjet koalicioneve, por po ashtu edhe pazaret e rrezikshme me Serbinë. E kam thënë edhe më parë po e përsërisë prapë, prej momentit kur është votuar Qeveria e Haradinajt, ditët i ka të numëruara” ka thëne ajo.
Sipas Haxhiut, ka shumë arsye pse duhet larguar këtë qeveri. Ajo ka theksuar se, s’ka asnjë te vetmen arsye pse duhet mbajtur në krye të institucioneve të vendit Haradinaj.
“Kosova dhe qytetarët, për fatin e keq duhet të durojnë edhe ca muaj. Qeveria e re më mendësi të vjetër nuk ka çfarë i duhet vendit dhe qytetarëve. Besoj që duhet angazhim i përbashkët i opozitës dhe qytetarëve” ka thëne Albulena Haxhiu nga Vetëvendosjes.
Kurse, sipas njohësit të çështjeve politike në vend Nexhat Haziri arsyeja e parë është ngase çdo parti opozitare kërkon apo synon shkurtimin sa më të shpejtë të jetës së qeverisë, dhe në rastin e qeverisë aktuale.
(Tekstin e plotë mund ta lexoni të Mërkurën në publikimin e shtypur të gazetës kombëtare “Bota sot”)
