Gjykata Supreme ka vendosur sot lidhur me ankesat e subjekteve politike, Lidhjes Demokratike të Kosovës (LDK) dhe Aleancës për Ardhmërinë e Kosovës (AAK), të paraqitura kundër vendimit të Panelit Zgjedhor për Ankesa dhe Parashtresa (PZAP).
Kolegji i Gjykatës Supreme, ka refuzuar si të pathemelta ankesat e subjekteve politike LDK dhe AAK, të cilat kanë kundërshtuar vendimin e PZAP-së, duke vendosur kështu që Istogu të shkojë në rivotim, thuhet në komunikatën e Gjykatës Supreme.
Lidhur me atë se si do të veprojë Komisioni Qendror i Zgjedhjeve, zëdhënësi i KQZ-së, Valmir Elezi në një prononcim për gazetën “Bota sot”, se KQZ do të veprojë në përputhje me vendimin e institucioneve përkatëse.
“Komisioni qendror i zgjedhjeve do të veprojë në përputhje me vendimin e institucioneve përkatëse, ndërsa lidhur me modalitet tjera që i takojnë një procesi zgjedhor, do të vendoset nga ana e KQZ-së në mbledhjen e radhës”, ka deklaruar Elezi për “Bota sot”.
Kujtojmë që nga rezultati i zgjedhjeve në Istog fitues kishte dalë Gani Dreshaj nga AAK, por që për rivotim u vendos për shkak të manipulimeve me vota sipas provave të paraqitura nga LDK./BS/
