Ka disa vite që qytetarëve të Kosovës i është premtuar lëvizja e lirë nëpër shtete evropiane nga Qeveritarët, po ashtu edhe nga udhëheqësit të partive politike. Gjatë ditës së djeshme kryeministri i Kosovës, Ramush Haradinaj, si dhe zëvendësi i tij Behgjet Pacolli kanë premtuar liberalizim të vizave.
Kryeministri Haradinaj ka deklaruar se brenda pak javësh Kosova do të merr lajme për liberalizimin e vizave. Ndërsa, zëvendëskryeministri i Kosovës dhe ministri i Jashtëm, Behgjet Pacolli ka thënë se mund të shkojë deri në 6 muaj që të merret vendimi që Kosovës t’i hiqen vizat.
Analisti politik, Faik Krasniqi ka thënë për “Bota sot” se edhe po të ratifikohet demarkacioni me Malin e zi nuk e fiton liberalizimin e vizave.
“Edhe nëse ratifikohet Demarkacioni, kjo nuk nënkupton se Kosova fiton automatikisht liberalizimin e vizave, sepse kushti kryesor për liberalizim të vizave është luftimi i korrupsionit dhe krimit të organizuar”, ka theksuar ai
Gjithashtu, ai ka shtuar se luftimi i korrupsionit dhe krimit të organizuar nuk mund të luftohet me këtë klasë politike të korruptuar, të cilët e kanë instaluar në çdo institucion.
Po ashtu, ai ka thënë se deri sa vendi udhëhiqet nga kjo skenë politikane nuk do të fitojë liberalizimin e vizave për shkumë.
“Që do të thotë se Kosova liberalizimin e vizave nuk do ta fitojë edhe për shumë vite, jo të paktën deri sa skena politike udhëhiqet nga politikanë të korruptuar”, ka përfunduar Krasniqi për “Bota sot”