Avokati Adrian Gjoshi ka thënë se sipas kushtetutës së vendit vetëm kryeministri i Kosovës ka të drejtë të ndërrojë ministrat dhe se është legjitim që të bëhet shkarkimi i këtyre të fundit.
“Është legjitim mocioni për shkarkimin e ministrave që nuk punojnë si duhet. Megjithatë, sipas nenit 94 para. 4 të kushtetutës së Kosovës, vetëm kryeministri ka kompetence për të ndërruar anëtarët e qeverisë”, ka thënë ai.
Gjithashtu, Gjoshi ka shtuar se Kryeministri si udhëheqës dhe përfaqësues i qeverisë, duhet të sigurohet që secili ministër të përfaqësoj denjësisht institucionin nga vjen.
“Mbi të gjitha, kryeministri duhet të sigurohet nëse ministra të caktuar të qeverise se tij meritojnë te vazhdojnë të paguhen nga taksat e qytetareve të Republikës së Kosovës”, ka përfunduar Gjoshi për “Bota sot”.
