Avokati Abdylaziz Sadiku ka folur për gazetën “Bota sot”, lidhur me ndryshimet në Kushtetutë për mënjanimin e ngërçeve të reja politike.
Ai ka thënë se ky ndryshim është dashur të bëhet kohë më parë dhe se zvarritjet në këtë drejtim i shkojnë në favor përfituesve të pa ndershëm.
“Kaherë ishte nevojë imanente e posaçërisht pas atij vendimit të Gjykatës Kushtetuese kur u bë interpretimi i dispozitave përkatëse jo ashtu siç e kishin qëllimin. Zvarritjet në këtë drejtim i shkojnë në favor përfituesve të pa ndershëm”, ka thënë Sadiku për “Bota sot”.
Ai ka theksuar se duhet të formohen më shumë zona zgjedhore e të ndërpriten dallaveret e mëdha.
“Po ashtu edhe ndryshimet dhe plotësimet në Ligjin për zgjedhjet duhet të bëhen sa më parë dhe kështu pos tjerave të formohen më shumë zona zgjedhore e të ndërpriten dallaveret e mëdha”, ka përfunduar avokati Sadiku.