Analisti Faton Mehmeti konsideron se, Lëvizjet brenda PDK-së janë taktika të orkestruara nga Veseli dhe Thaçi, me idenë se do të mund ta vënë Gjykatën Speciale para trysninë për mos arrestimin e tyre, eventualisht mos shkapërderdhjen e PDK-së në rast të arrestimeve.
Sipas tij, jo rastësisht mbahet konventa në kohën e pritjes së arrestimeve nga Gjykata Speciale, si një lloj marrje mbështetje për të konfirmuar fuqinë politike të atyre që pritet të arrestohen.
“Besoj se në pozitat kyçe do të ketë lëvizje duke i vendosur ata që pritet të arrestohen, për të bërë trysni ndaj Gjykatës Speciale së gjoja ka synime partiake duke e goditur vetëm PDK-në. Gjithsesi këto lëvizje nuk kanë rëndësi fare për Gjykatën Speciale. Lëvizjet brenda PDK-së janë taktika të orkestruara nga Veseli dhe Thaçi, me idenë se do të mund ta vënë Gjykatën Speciale para trysninë për mos arrestimin e tyre, eventualisht mos shkapërderdhjen e PDK-së në rast të arrestimeve.. Krahu i Veselit do fuqizohet në PDK duke mënjanuar të besuarit e Thaçit brenda saj, ndonëse ky i fundit po e ndjen më tepër se Veseli arrestimin e pritur”, ka potencuar ai.
