Me një minutë heshtje për vrasjen e Oliver Ivanoviqit filloi mbledhja e sotme e Qeverisë së Republikës së Kosovës.
Edhe pse i akuzuar për krime të rënda gjatë luftës ndaj qytetarëve të Kosovës, kjo gjë nuk e pengoi aspak kryeministrin Ramush Haradinaj, që mbledhja të fillonte me heshtje për nder të vrasjes së Oliver Ivanoviqit.
Deputeti Naser Osmani nga Lidhja Demokratike e Kosovës, ka thënë për “Bota sot” se veprimi i Haradinajt ishte i panevojshëm dhe jo i duhur për vdekjen e një të akuzuari për vrasje siç ishte Ivanoviq
“Kryeministri Haradinaj theu ligjet protokollare dhe institucionale pasi nuk parashihet të mbahet heshtje për persona që nuk janë pjesë e institucioneve të Republikës së Kosovës, dhe ata të cilët nuk e kanë një biografi te pastër, gjë që ndodh te jetë e kundërta me Oliver Ivanoviqin Prandaj konsideroj se ishte një veprim i panevojshëm dhe jo i duhur nga kjo qeveri”, ka përfunduar deputeti i LDK-së, Naser Osmani.