Javë më parë Shtetet e Bashkuara të Amerikës nuk i kanë dhënë vizën kryeministrit të Kosovës Ramush Haradinaj për të marrë pjesë në lutjet e mëngjesit.
Kurse, tani nëpër media është përfolur se edhe Britania e Madhe nuk i ka dhënë vizën kryeministrit Haradinaj.
Kjo po vlerësohet se kjo po ndodh për arsyeje të shumta si demarkacioni me Malin e zi, tentimi për shfuqizimin e ligjit për Gjykatën Speciale.
Për më tepër lidhur me këtë, Gurakuç Kuçi ka thënë për “Bota sot” se mos dhënia e vizës nga Britania e Madhe është një “grusht” i dytë diplomatik për Haradinajn.
“Mos-dhënia e vizës edhe nga Britania e Madhe sado që po mundohet të mbahet larg publikut, megjithatë informacioni ka rrjedhë. Ky është grushti i dytë diplomatik për z. Haradinaj dhe qeverisjen e tij, që refuzimi i vizës sidomos për një kryeministër as që duhet të vihet në rend dite si kufizim, kjo po ndodh dhe madje nga vendet që e kanë krijuar dhe e mbajnë si shtet Kosovën”, ka thënë Kuçi për “Bota sot”.
Sipas tij, disa arsyeje pse si demarkacioni me Malin e Zi, tentimi për shfuqizimin e Ligjit për Gjykatën Speciale e tjera, si dhe kjo qeveri është duke shkruar drejt ngrehinës.
“Janë një varg arsyesh pse po ndodhin këto: çështjet kryesore sigurisht që janë demarkacioni, çështja për shfuqizimin e Ligjit për Gjykatën Speciale, por janë edhe kabineti i stërmadh, paga galoponte, arsyetimi kanunor i veprave të dënueshme me ligj, ruajtja e njerëzve jo-kredibil, falja e borxheve, subvencionimi i familjeve që u përfshinë familjaret e tyre në ngjarjen e Kumanovës, mbrojtja e keqpërdorimit me listat e veteranëve, avancimi i të padijshmëve, e një varg veprimeve të tjera. Pra, qeverisja Haradinaj është duke shkuar drejt ngrehinës, sepse është një qeverisje ku secili bënë veprimeve siç do vet dhe asnjë ministër nuk e ka në vijë me deklarimet e kryeministrit”, ka deklaruar ai për “Bota sot”.
Për më tepër, Kuçi ka shtuar se Haradinaj ka bërë gabime strategjike dhe ka zgjedhur të punoj me njerëz krejtësisht të paaftë, aq sa qeverisja e keqe e tanishme, po arsyeton gjitha qeverisjet e këqija të kaluara.
“Kësaj qeverisje është duke iu përgatitur terreni për një rënie të dhimbshme dhe të turpshme, fatkeqësisht për fajin e vet z. Haradinaj i cili që para zgjedhjeve ka bërë gabime strategjike dhe ka zgjedhur të punoj me njerëz krejtësisht të paaftë, aq sa qeverisja e keqe e tanishme, po arsyeton gjitha qeverisjet e këqija të kaluara. SHBA-ja dhe BE-ja i njohin rrethanat dhe njerëzit më mirë se ne dhe nuk do të lejojnë që e gjithë puna e tyre të bie poshtë për shkak të disa njerëzve. Ka një tendencë që BE-ja këtë vit të kaloj nga stabiliokracia (sundimi i stabiliteti) drejt demokracisë. Gjithsesi, qeverisja e keqe e Haradinajt nuk duhet të jetë arsyetim për të kaluarit por një vetëdijesim popullor për ndryshim qasje ndaj klasës së dëmshme politike për vendin”, ka përfunduar Kuçi për “Bota sot”.