Ditën e enjte do të mbahet interpelanca për kryeministrin, Ramush Haradinaj për vendimin e tij për rritjen e pagave mbi 100 qind për qind për anëtarët e kabinetit të tij.
Kjo interpelancë është thirrur me nënshkrimet e deputetëve të LDK-së dhe ata të Lëvizjes Vetëvendosje.
Por, analisti politik Jeton Kelmendi shprehet skeptik ndaj rezultateve të kësaj seance.
“Mendoj se interpelanca e thirrur për kryeministrin Haradinaj për skandalin e rritjes së pagave, është e shëndetshme për demokracinë, sepse ai me këtë e ka shkelur ligjin, por jam skeptik në rezultatet duke pasur parasysh se opozita edhe pse është shumë e fuqishme në numra, ajo është shumë e brishtë në terren”, thotë Kelmendi për “Bota sot”.
Kelmendi përmend është përçarjen e VV-së që ka bërë në dobësimin e opozitës.
Ndryshe, deputetët e opozitës kishin thirrur në interpelancë kryeministrin, Ramush Haradinaj për shkarkimin e ministrit të Bujqësisë nga komuniteti serb, Nenad Rikallo.
Rikallo, u akuza publikisht nga banoret e lagjes “Dardania” se ai ka maltretuar shqiptarët gjatë luftës.
Në fund të debatit të interpelancës, deputetët e shumicës votuan kundër propozimeve të opozitës për shkarkimin e ministrit në fjalë.