Thaçi iu jep “krah” vrasësve, nuk e njeh kontributin e gazetarëve të vrarë!

Politika

Thaçi iu jep “krah” vrasësve, nuk e njeh kontributin e gazetarëve të vrarë!

Mimozë Lakna Nga Mimozë Lakna Më 17 shkurt 2018 Në ora: 15:05
Gazetarë e vrarë të "Bota sot", Xhemajl Mustafa, Bekim Kastrati dhe Bardhyl Ajeti

Me rastin e 10 vjetorit të Pavarësisë së Kosovës, Presidenti Hashim Thaçi ka zgjedhur të dekorojë 200 personalitete vendore e ndërkombëtare me medaljen presidenciale.

Në listën e listën e gjatë të personaliteteve të dekoruara nga Thaçi, bëjnë pjesë edhe të akuzuar e të dënuar. Ndër të dekoruarit janë edhe shumë gazetarë, publicistë e përfaqësues mediash. Por, Presidenti Thaçi, duket se ka harruar gazetarët dhe veprimtarët e vrarë pas lufte, e që nuk janë të paktë.

Emrat e gazetarëve dhe publicistëve, Enver Maloku, Xhemajl Mustafa, Bekim Kastrati, Bardhyl Ajeti nuk bëjnë pjesë  në listën e të dekoruarëve të Presidentit. Dikujt i pengonte e vërteta që këta gazetarë e shkruanin në gazetën “Bota sot”. Ata u vranë në vitet e para të pasluftës, derisa vrasjet e tyre nuk janë zbardhur ende.  

Sikurse edhe herë të tjera Presidenti Thaçi, për fat të keq zgjodhi ta injorojë  një pjesë të turpshme të historisë së Kosovës së pasluftës, e që janë vrasjet e gazetarëve.

Me këtë dëshmohet edhe njëherë se ky President nuk përfaqëson unitetin e popullit. Kësaj  ia shtojmë edhe faktin se shumë nga të dekoruarit e tij, nuk pranuan të marrin medaljen.

Një dolli për Presidentin selektiv!

commentFirst article
Sot mund të lexoni Shfletoni kopertinat