“Kosova nuk duhet t’i humbas miqtë ndërkombëtarë, me ata arrihet caku”

Politika

“Kosova nuk duhet t’i humbas miqtë ndërkombëtarë, me ata arrihet caku”

Naile Ejupi Nga Naile Ejupi Më 17 shkurt 2018 Në ora: 17:32
Ilustrim

Tentimi për shfuqizimin e Gjykatës Speciale, si dhe raportimet për këmbim territoresh me Serbinë, sipas opozitës, mund të rrezikojnë partneritetin e Kosovës me ndërkombëtarë.

Deputetja nga radhët e Lidhjes Demokratike të Kosovës, Valentina Bunjaku- Rexhepi, ka thënë për “Bota sot” se Kosova gjatë luftës kishte miq dhe gjatë shtetndërtimit, prandaj nuk guxon ta humbas përkrahjen e tyre.

Image
Valentina Bunjaku- Rexhepi

Sipas Rexhepit, çdo proces ka sfida dhe pasoja, mirëpo veprimet e rrezikshme mund ta kthejnë prapa Kosovën dhe kësisoj t’i humbas miqtë.

“Veprimet dhe vendimet e mëdha i ndërmarrin liderët e vendeve gjithmonë në interesa të saj.Pikërisht për këtë liderët përveç ardhjes në pushtet përmes zgjedhjeve dhe formave tjera institucionale duhet të gëzojnë kredibilitet të plotë të qytetarëve të vendit e rrjedhimisht edhe të faktorit ndërkombëtar. Kosova edhe gjatë luftës kishte miq edhe pas saj gjatë shtetndërtimit dhe nuk guxon në asnjë mënyrë të humb përkrahjen e tyre. Çdo proces ka sfidat dhe pasojat e saj, por veprimet e rrezikshme, për vendin mund të na kthejnë mbrapa dhe humbjen e miqve, pa të cilët nuk mund të paramendohet e ardhmja e vendit. Vendi duhet shkuar drejt BE- së dhe integrimeve Euro-Atlantike dhe rrugë tjetër nuk ka. Me miq mund të arrijmë cakun!”, ka pohuar deputetja e LDK-së, Valentina Bunjaku- Rexhepi.

commentFirst article
Sot mund të lexoni Shfletoni kopertinat