Koalicioni PANA-Lista Serbe siç duket nuk po mund t’i bëjë ballë barrës që ka marrë mbi supe. Qeverisja e një shteti nuk është aspak e lehtë e këtë po e dëshmon edhe mosfunksionimi i këtij koalicioni.
Deputeti Haxhi Avdyli nga Lidhja Demokratike e Kosovës thekson se Kosova, si shtet ka pësuar ngecje të mëdha në sistemin e arsimit dhe atë të shëndetësisë.
Në një prononcim për gazetën ‘’Bota sot’’, Avdyli nuk e lë pa e përmendur edhe korrupsionin e që është një ndër shkaktarët kryesorë që e kushtëzon liberalizimin e vizave.
‘’Edhe pse Kosova në rrugëtimin e saj natyror ka pas përparime në disa sfera, por ka mundur shumë më shumë të arrinte se sa kjo e tanishmja. Janë shtruar rrugë por ekonomia vendore e investimet nga jashtë po ngecin, janë krijuar disa institucione por kemi ngecje të mëdha në sistemin e arsimit dhe shëndetësisë. Korrupsioni ka lulëzuar por edhe mostransparenca e papërgjegjësia e bartësve institucional para qytetarëve’’, përfundon Avdyli.