Qytetarëve të komunës së Podujevës u është kërkuar që të deponojnë në institucionet e drejtësisë së Kosovës të gjitha dëshmitë që ata kanë për krimet që forcat serbe kryen gjatë luftës në fshatrat e Llapit. Kjo kërkesë erdhi në tryezën e organizuar nga dega e Shoqatës së Pagjeturve, dega në Podujevë.
“Në këtë tryezë, u diskutua lidhur me mundësin e ngritjes së kallëzimeve penale dhe padive ndaj atyre pjesëtarëve të forcave serbe që kanë shkaktuar krime gjatë luftës në Kosovë. Pra, qëllimi i saj ishte që t’i jepen këshilla juridike qytetarëve të Podujevës se si t’i deponojnë këto dëshmi në organet e drejtësisë dhe të Policisë”, thotë për “Bota sot”, Avni Islami, i cili ishte i pranishëm në këtë tryezë.
Ai tha se në këtë tryezë u përmenden mbi 630 raste të krimeve në komunën e Podujevës.
