Ratifikimi i marrëveshjes për shënjimin e kufirit mes Kosovës dhe Malit të Zi, po rezulton të jetë shumë më i vështirë. Kjo pasi Lidhja Demokratike e Kosovës megjithëse është pro demarkacionit, thotë se nuk do ta votojë nëse bashkëngjitur do të jetë edhe raporti i Komisionit shtetëror.
Demarkacioni, siç duket po del të jetë ‘’mollë sherri’’ edhe për koalicionin PANA-Lista Serbe.
Bajram Gecaj nga Lidhja Demokratike e Kosovës në një prononcim për gazetën ‘’Bota sot’’, vlerëson se kësaj qeverie i ka ardhë fundi me apo pa demarkacion.
‘’Ishte dashtë gjthsesi...unë madje besoj se edhe nëse kalon edhe nëse jo, kjo qeveri e keqe duhet të ikë sa më parë’’, përfundon Gecaj.
Kujtojmë se Ratifikimi i marrëveshjes së demarkacionit konsiderohet kusht kryesor për liberalizimin e vizave.
Seanca e ardhshme pritet të mbahet të mërkuren.
