Mehmeti: Veseli po udhëheq Kuvendin sikur SHIK-un me urdhra dhe shantazhe e kërcënime - Bota Sot
Mehmeti: Veseli po udhëheq Kuvendin sikur SHIK-un me urdhra dhe shantazhe e kërcënime

Politika

E enjte, 21 qershor 2018

Mehmeti: Veseli po udhëheq Kuvendin sikur SHIK-un me urdhra dhe shantazhe e kërcënime

Arbnore Zhushi Nga Arbnore Zhushi Më 3 mars 2018 Në ora: 16:31
Kuvendi i Kosovës

Njohësi i çështjeve politike Faton Mehmeti, ka komentuar veprimin e kryeparlamentarit Kadri Veseli, ndaj deputetetit të Lëvizjes Vetëvendosje Frashër Krasniqi.

Veseli, në seancën e djeshme të Kuvendit të Kosovës, ia ka ndërprerë fjalën deputetit Krasniqi, duke i thënë se “ai nuk mund të thirret në patriotizëm”.

E gjestin e tij, Mehmeti e ka quajtur të turpshëm, duke thënë se në Kuvendin e Kosovës, dje është shkelur demokracia.

Image
Faton Mehmeti

Ai ka theksuar në një prononcim për gazetën “Bota sot”, se kryeparlamentari Veseli, ka shkelur Rregulloren e institucionit, të cilin e drejton ai.

“Çdo ditë e më shumë po kuptohet se “krahu i luftës”, nuk di të bëjë shtet, aq më pak të mësohet me rregullat e demokracisë. Është e turpshme që në tempullin e demokracisë që duhet të jetë Kuvendi, shkelet demokracia. Kadri Veseli hoqi maskën e një gangster që paraqitej si reformator. Ndërprerja e fjalës së një deputeti pa asnjë bazë ligjore ose rregullative të punës së Kuvendit, është shkelje e Rregullores” është shprehur Mehmeti.

Sipas tij, Veseli do të duhej të jepte dorëheqje ose opozita të inicojë shkarkimin e tij, pasi siç ka thënë Mehmeti, “Kuvendi nuk mund të udhëhiqet me shantazhe e kërcënime të SHIK-ut”.

“Në raste të tilla kryetari i Kuvendit duhet të japë llogari, pse jo edhe dorëheqje. Por, kjo nuk mund të ndodhë nga njerëz të zbritur nga mali, që nuk u “zbutën” asnjëherë. Kadriu mendon se është shef i SHIK-ut, aty ku jepte urdhra. Andaj, opozita duhet të inciojë shkarkimin e Veselit, i cili po udhëheq Kuvendin sikur SHIK-un me urdhra dhe shantazhe e kërcënime. Veprime të tilla cënojnë frymën demokratike në Kuvend, duke thelluar ndasitë mes subjekteve politike”, ka pohuar Faton Mehmeti për gazetën “Bota sot”.

Komentet
comments powered by Disqus
Sot mund të lexoni Shfletoni kopertinat
Sondazh
test