Presidenti gjerman dorëheqje për pagesë prej 700 euro, Haradinaj me pushime 80 mijë franga nuk jep dorëheqje - Bota Sot
Presidenti gjerman dorëheqje për pagesë prej 700 euro, Haradinaj me pushime 80 mijë franga nuk jep dorëheqje

Politika

E hënë, 25 qershor 2018

Presidenti gjerman dorëheqje për pagesë prej 700 euro, Haradinaj me pushime 80 mijë franga nuk jep dorëheqje

Nga: A.Zh Më: 21 maj 2018 Në ora: 16:19
Presidenti gjerman Christian Wulff, në vitin 2012, është dorëhequr, për shkak të një pagese prej 700 euro. Ramush Haradinaj bashkë me familjen e tij, kishin zgjedhur hotelin “Carlton” në vendin më të shtrenjtë në botë, në Sant Moritz të Zvicrës për të kaluar festat e fundvitit për nëntë ditë.

Politikanët e Kosovës jo rrallëherë janë komentuar për mënyrën luksoze të të jetuarit dhe pushimet e shtrenjta.

Ata edhe pse jetojnë në shtetin më të varfër në Evropë, nuk e kanë problem për të shpenzuar paratë në vendet luksoze.

Rast tipik për këtë ishin edhe pushimet e kryeministrit të Kosovës Ramush Haradinaj, në vendin më të shtrenjtë në botë, në Sant Moritz të Zvicrës.

Ai bashkë me familjen e tij, kishin zgjedhur hotelin “Carlton” në këtë fshat, për të kaluar festat e fundvitit për nëntë ditë.

Ndonëse nuk dihet ende se sa ka shpenzuar kryeministri Haradinaj gjatë këtyre pushimeve, bazuar në çmimet publike të hotelit, del se pushimet e tij mund të kenë kushtuar mbi 80 mijë franga.

Pas zbulimit të Insajderit për këto pushime, Haradinaj ka thënë se ka qëndruar në Zvicër vetëm një natë dhe se pushimet i kanë kushtuar 7 mijë euro.  

Mirëpo, ai nuk ka ofruar dëshmi ende se pushimi i ka kushtuar 7 mijë euro e jo 80 mijë franga.

Përkundër presionit të madh mediatik, kryeministri nuk “ua ka vënë veshin” këtyre raportimeve, madje as nuk ka ofruar dorëheqje.

Ai nuk ka vepruar si presidenti gjerman Christian Wulff, i cili në vitin 2012, është dorëhequr, për shkak të një pagese prej 700 euro.

Mediat gjermane kishin njoftuar se në vitin 2007 miku i tij David Groenwold, kishte paguar shpenzimet e hotelit për një fundjavë, të cilën Wulff e kishte kaluar në Sylt, një ishull në Gjermaninë veriore.

E Wulff dha dorëheqje, për shkak të humbjes së besimit në opinionin gjerman.

Ceremonia lamtumirëse u shoqërua me paradën e ushtrisë (Bundeswehr).

“Dhashë dorëheqje ngase nuk e kisha më besimin e popullit gjerman dhe atë me të drejtë, meqë kam bërë gabime te pafalshme”, kishte deklaruar Wulff.

Komentet
comments powered by Disqus
Sot mund të lexoni Shfletoni kopertinat
Sondazh
test