Analisti shqiptar, Ilir Vata ka folur për “Bota sot” për protestën e mbajtur gjatë të shtunës në Tiranë për shkarkimin e ministrit të punëve të brendshme Fatmir Xhafa.
Vata ka thënë për “Bota sot” se si opozita dhe ministri Xhafa po i fusin shkopinj nën rrota integrimit të vendit, madje po dëmtojnë paqen social në rajon.
“Opozita ridoli në protestë sot duke startuar te Ministria e Brendshme dhe fokusi kryesor ishte dorëheqja e ministrit për faktin e implikimit të vëllait të tij me trafikun e drogës, madje i dënuar nga drejtësia italiane me 7 vite dhe dy muaj burg. Me herët, ditë më parë opozita ka ngritur pretendimet se ministri Fatmir Xhafa në kohën kur ishte Kryetar i Komisionit të ligjeve ka favorizuar të vëllain me nenin 491 te Kodit të Procedurës Penale, që të gjithë ato që dënohen në mungesë nuk ekstradohen. Në këtë grup akuzash opozita e ve përball ligjit të dekriminalizimit Xhafen, shtuar dhe vdeo përgjimin. Normalisht ministri Xhafa mund të jepte dorëheqje pa detyruar opozitën të dal në protestë. Protesta e sotme pati dhe përplasje fizike, madje ishte gjakosur Blendi Kasmi, kryeredaktori i RD-se, madje dhe polic të lënduar që do thotë se rezistenca e ministrit për të mbajt postin rrezikon mbarëvajtjen politike që është prioriteti i parë për çeljen e negociatave të Shqipërisë me BE. Në këtë dimension, si opozita dhe ministri Xhafa po i fusin shkopinj nën rrota integrimit të vendit, madje po dëmtojnë paqen social në rajon”, ka thënë ai për “Bota sot”.
Për më tepër, ai ka shtuar se protesta e sotme ka treguar se opozita s’është ende gati për të bërë detyrën e saj, por për të penguar Shqipërinë në procesin integrues.
“Protesta e sotme e opozitës ishte vetëm me partitë parlamentare opozitare, pra jo opozita e bashkuar, madje me opozitën është bashkuar dhe LSI, pra gjysma e qeverisë në mandatin e parë që rrëzon seriozitetin e opozitës, pas ditë më parë Kryemadhi e mbrojti ministrin Xhafaj. Pra një opozitë me dy standarde dhe qëndrime të ndryshme që e bënë të pabesueshme. Protesta e sotme tregoi se opozita s’është ende gati për të bërë detyrën e saj, por më shumë u shfaq për t'i shpëtuar drejtësisë miliarderët e saj dhe penguar Shqipërinë në procesin integrues, pra protesta e opozitës u duk si lojë e politikes shqiptare për të fshehur realitetin politik, që mjerisht edhe mjeranë”, ka përfunduar Vata për “Bota sot”.
