Tashmë është zhvilluar takim ndërmjet presidentëve të Kosovës Hashim Thaçi dhe atij të Serbisë, Aleksander Vuçiq në Bruksel.
Drejtori i Institutit të Studimeve të Evropës Juglindore (ISEJ) dhe profesori në Universitetin “Aleksandër Moisiu”, Durrës, Enver Bytyçi, ka thënë për “Bota sot” se kompromisi për këto bisedime do të jetë ndarja e Kosovës.
“Nisur nga kjo lojë e rrezikshme, me të cilën Thaçi kërkon legjitiimmin si kryesues i bisedimeve me Serbinë, më shtohen dyshimet për gatishmërinë e kryesuesit të këtij dialogu për kompromise me Beogradin, kompromis që ka vetëm një emër: Ndarjen e Kosovës”, ka deklaruar ai për “Bota sot”.
Tutje, Bytyçi ka shtuar se opozita e Kosovës duhet të mos bjerë në kurth.
“Nëse parlamenti ia jep të drejtën presidentit për nënshkrimin e marrëveshjes, atëherë ai do ta nënshkruajë, sepse në këtë akt do të ketë presionin e Beogradit dhe presionin e Edi Ramës në Tiranë! Opozita e Kosovës duhet të mos bjerë në kurth, edhe pse Haradinaj nuk është treguar koherent me këtë kërkesë të tijën”, ka përfunduar Bytyçi për “Bota sot”.
