Tani ambasador në Maqedoni, e para disa dite zëvendësministër i punëve të jashtme, Gjergj Dedaj po ka raporte të mira me krerët e shtetit, sidomos me presidentin Hashim Thaçi.
Mirëpo, kohë më parë Dedaj e kishte akuzuar Thaçin se e kishte torturuar gjatë luftës, e më pas, pasi fitoi poste publike, Dedaj u tërhoq nga ky qëndrim.
Lidhur me këtë, Naim Miftari ish agjent i SHIK-ut, tregon për “Bota sot” se si ishte torturuar Dedaj nga Thaçi dhe grupi i tij dhe në cilin vend.
“Gjergj Dedën apo kryetarin e përjetshëm të PLK-së, e kishin dërguar me disa tjerë në shkollën fillore të Baices ku ishte kasarna ku flinin dhe qëndronin ushtarët e UÇK. Dedën dhe të tjerët delegat pasi i kishin pyetur për misionin e tyre, e kishin tallur se kush është për Kafe makiato dhe Deda pasi kishte kërkuar Makiato, kishte hëngër shpulla e grushte nga miku i tij dhe shoqëruesit e "nobelistit" Hashim Thaçit, të cilin pasi e ngriti Dedën në pushtet e bëri Hashim Thaçin super hero edhe për çmimin Nobel e propozoj. Por vetëm kur e mori në pushtet, se më parë i dimë deklaratat kur Thaçin e quante kriminel që e kishte malltretuar gjatë atij arrestimit në Qirez”, thotë Miftaraj.
“Bota sot” ka dërguar pyetje me shkrim në presidencë për të marrë informata më tepër lidhur me këtë, por ata nuk kanë kthyer përgjigje.