Vullnetarët e Iniciativës “Ta Pastrojmë Kosovën” nesër do të realizojnë aksion pastrimi në lokacionin “Rruga e vjetër e Shkupit” Veternik, afër Spitalit Amerikan, duke filluar nga ora 10:00.
Aksioni do të realizohet në bashkëpunim me Drejtorinë e Shërbimeve Publike në Komunën e Prishtinës, kompaninë menaxhuese të deponive në Kosovë dhe Kompaninë e pastrimit ‘VZ’.
Kjo organizatë pret që aksionit t’i bashkohen edhe banorët e asaj zone, në mënyrë që të eliminohet në tërësi deponia ilegale e mbeturinave.
Iniciativa “Let’s Do It Kosova”, njofton të gjithë qytetarët, se aksionet e tilla do të vazhdojnë edhe më tej, prandaj iu bën thirrje për mobilizim dhe pjesëmarrje.