Policia sqaron veprimet që po ndërmerr në lagjen ‘Dardania’

Prishtina

Policia sqaron veprimet që po ndërmerr në lagjen ‘Dardania’

Më: 26 shtator 2016 Në ora: 15:04
Policia

Policia e Kosovës, përmes një njoftimi për media, ka sqaruar asistencën ligjore që po u ofron organeve kompetente të drejtësisë, lidhur me lirimin e banesave të uzurpuara në lagjen “Dardania” të kryeqytetit.

Ja sqarimi i plotë i Policisë së Kosovës”

Policia e Kosovës informon opinionin e gjerë dhe mediat, se duke u bazuar në shkresën zyrtare dërguar nga autoritetet kompetente, respektivisht nga Gjykata Themelore në Prishtinë tek Policia e Kosovës, me ç’rast është kërkuar asistencë në lagjen Dardania në Prishtinë, janë ndërmarrë veprime ligjore për ofrimin e asistencës në ekzekutimin e vendimit sipas kerkesës dhe procedurave ligjore.

Policia e Kosovës sqaron edhe njëherë opinionin dhe mediat se në këtë qështje jemi të angazhuar sipas detyrimeve ligjore që ka Policia e Kosovës në zbatimin e vendimeve të Gjykatave kompetente në vend, dhe se qëllimi i veprimeve policore në këtë rast është për të ofruar siguri për zyrtarët e autorizuar të Gjykatës Themelore në Prishtinë dhe zyrtarëve të tjerë gjatë procedurës në zbatimin e vendimeve ligjore, ruajtja e rendit, qetësisë publike dhe ndërmarrja e masave ligjore ndaj secilit që cenon rendin dhe sigurinë.

Sot mund të lexoni Shfletoni kopertinat