Kryetari i Gjykatës Themelore Hamdi Ibrahimi sot do të mbajë një konferencë për media lidhur me dëbimin e banorëve nga banesat në lagjen “Dardania” në Prishtinë.
Sipas një njoftimi nga Gjykata Themelore në Prishtinë Ibrahimi në konferencë do të flas edhe lidhur me deklaratat e fundit të kryetarit të komunës së Prishtinës Shpend Ahmeti.
Ditët e fundit ka pasur deklarata akuzuese ndaj njëri-tjetrit në lidhje me çështjen e këtyre banesave.
Konferenca për media e Ibrahimit do të mbahet në objektin A , salla O, në Pallatin e Drejtësisë, duke filluar nga ora 15 e 30.