Edhe pse tri ditë më parë u publikuan pamje të akullit në hapësirat universitare, aty ende gjendja është e pandryshuar.
Akulli nuk është “duke i lëshuar” makinat për të dalë nga hapësirat mes Fakultetit të Edukimit, Galerisë së Arteve dhe Biblioteks Kombëtare.
Në disa fotografi të kallxo të bëra pasditen e djeshme, shihet një person duke u munduar ta largojë makinën që i kishte ngecur në akull në këtë pjesë të kryeqytetit.
Media para tri ditësh solli pamje nga rrëshqitjet dhe vështirësitë e daljesd së veturave nga kjo hapësirë universitare.
Atë ditë Adonis Tahiri nga Zyra për Informim e Komunës së Prishtinës tha se kjo hapësirë nuk është përgjegjësi e komunës për pastrim.