Për nder të Ditës së Mësuesit, sot Komuna e Prishtinës organizon disa aktivitete.
Kryetari i Komunës, Shpend Ahmeti dhe drejtoresha e Arsimit, Arbërie Nagavci, do të vizitojnë Shkollën Fillore "Naim Frashëri".
Grupi i Grave Asambleiste do të shpërndajë mirënjohje për mësuesit e pensionuar dhe veteranë të arsimit.
Ndërkaq, në ndërtesën e re të Komunës së Prishtinës, do të mbahet manifestimi festiv, me program nga nxënësit e shkollave të Prishtinës dhe do të nderohen mësuesit e dalluar.