(E plotësuar) - Fëmija 4 vjecar nga Mramori i cili kishte humbur mbrëmë, gjatë tërë natës kishte qëndruar në një objekt i cili gjendet afër një antene në bjeshkët e Mramorit.
Sipas informacioneve 4 vjecari kishte fjetur në këtë objekt dhe me t’u zgjuar në mëngjes ishte nisur për në shtëpi, ku edhe është gjetur nga Forcat e Sigurisë së Kosovës.
Tani vogëlushi Erion Gashi gjendet në shtëpinë e tij, pran familjarëve dhe është në gjendje të mirë shëndetësore.
4 vjecari ka humbur dje rreth orës 17:00, dhe që nga ajo kohë familja, bashkëfshatarët dhe ekipet e Policisë e FSK-së, kanë nisur kërkimin e tij i cili ka rezultuar me gjetjen e tij.
Gjendet Erion Gashi, i humbur dje në fshatin Mramor
Është gjetur i gjallë fëmija i humbur mbrëmë në Mramor.
Lajmin e ka bëtë të ditur Policia.
“Operacioni për kërkimin e 4 vjeçarit, i cili ka vazhduar edhe sot, ka rezultuar me sukses, ku rreth orës 10:20, është gjetur i gjallë”, thuhet në njoftimin e Policisë.
Mësohet se fëmija mbrëmë ka fjetur në një objekt afër një antenës që gjendet në bjeshkët e kësaj pjese.
Erion Gashi në mëngjes pasi është zgjuar e ka marrë rrugën për t'u kthyer në shtëpi dhe gjatë asaj kohe ai është gjetur nga Forca e Sigurisë së Kosovës së bashku me familjarët e tij.
Fëmija është në gjendje të mirë shëndetësore.
Policia njofton se fëmija 4 vjeçar nga Mramori, i cili mbrëmë ishte zhdukur është gjetur sot i gjallë dhe shëndosh e mirë.
Erion Gashi ishte larguar mbrëmë nga shtëpia e tij rreth orës 17:00 ndërsa kërkimet për gjetjen e tij kishin filluar menjëherë nga policia me qen, FSK si dhe disa bashkëfshatarë.