Shefja e stafit të kabinetit të kryeministrit, Vlora Dumoshi, ia ka atribuar meritat për ndërtimin e Fabrikës së Ujit në Shkabaj, kryeministrit Isa Mustafa.
Përmes një postimi në Facebook, Dumoshi ka thënë që zgjidhjen e problemeve të qytetarëve e ofron qeverisja e Mustafës.
Postimi i plotë i saj:
Pesë vjet më parë kryetari Mustafa e nënshkroi marrëveshjen për ndërtimin e Fabrikës së Ujit në Shkabaj. Sot, ky objekt u përurua nga njeriu që vuri themelet e jetësimit të tij.
E jetësuam projektin për ngrohjen përmes koogjenerimit i cili do të ofrojë ngrohje për tërë banorët e kryeqytetit.
Gjatë Qeverisjes Mustafa u kryen të gjitha punët dhe pritet të filloj ndërtimi i Termocentralit “Kosova e Re”, e cila do të krijojë stabilitet të plotë të furnizimit me energji elektrike në tërë vendin.
Zgjidhja e çështjeve vitale të qytetarëve lidhet me qeverisjen e Isa Mustafës!/BS/