Agim Gashi, shefi i grupit të asamblistëve të LDK-së ka komentuar për protestat e punëtorëve të trafikut urban kundër drejtorit të ri, Nexhmi Uka duke thënë se Halil Mustafa është shkarkuar për shkak të shkeljeve të ndryshme.
Gashi në një intervistë në emisionin Ora e Fundit ka thënë se LDK-ja nuk është përzier në punët e bordit lidhur me këtë çështje.
“Sa i përket trafikut urban ne nuk jemi përzier në asnjë procedurë vendimarrëse të bordit”.
“E gjitha çka është politike në këtë punë janë përfaqësuesit e komisionit të aksionarëve ku aty duhet të jetë edhe përfaqësuesi i kryetarit të komunës”.
“Të gjitha procedurat tjera kanë shkuar sipas ligjit për ndërmarrjet publike dhe ligjet për shoqëri tregtare”,
“Ne nuk kemi ndërhyrë në punët e bordit lidhur me këtë çështje”.
“Sipas informatave që kemi ata pas shkeljeve të ndryshme që ka bërë ish-kryeshefi ekzekutiv, Halil Mustafa është shkarkuar”, ka thënë Gashi.