(E plotësuar) - Kandidati për kryetar të Prishtinës nga Aleanca Kosova e Re, Selim Pacolli ditën e së shtunës e ka nisur duke vizituar varrin e ish-presidentit, Ibrahim Rugova dhe varrezat e dëshmorëve në lagjen Velania.
Selim Pacolli, pasi vendosi kurora lulesh, tha se këtë vizitë po e bënë në shenjë mirënjohje për veprën dhe e punën e Ibrahim Rugovës dhe të gjithë dëshmorëve të rënë për kombin.
Ai tutje shtoi se vepra dhe gjaku i dëshmorëve janë gurthemeli i shtetit dhe pavarësisë tonë.
Pacolli: Gjaku i dëshmorëve gurthemeli i shtetit
“Me rastin e fillimit të fushatës parazgjedhore për të parin e Prishtinës, në shenjë mirënjohje, konsiderate, për të gjithë të rënët e dëshmorët e kombit e për veprën e presidentit Ibrahim Rugova, ishim sot për të vënë një lule për secilin dhe për të respektuar dhe për t’i konsideruar veprën dhe punën e tyre. Ishim këtu me qëllim që Prishtina pa veprën e tyre, pa gjakun e dëshmorëve, pa ta do të ishte vetëm një e pamundur për ne të ishim këtu. Prandaj për hirë të veprës dhe gjakut të tyre, unë konsideroj që ky ishte gurthemeli i shtetit tonë dhe pavarësisë tonë”, është shprehur ai.
Pacolli bëri të ditur se gjatë ditës do t’i vizitojë varrezat e dëshmorëve edhe në vende të tjera të Komunës së Prishtinës.
Pacolli nis fushatën me homazhe te varrezat e dëshmorëve dhe varri i Rugovës
Kandidati për kryetar të Prishtinës nga Aleanca për Kosovën e Re, Selim Pacolli ditën e sotme e ka nisur duke vizituar dhe vendosur kurora lulesh tek varri i ish-presidentit Ibrahim Rugova dhe varrezat e dëshmorëve në Velani.
Pacolli me ekipin e tij veprën e dëshmorët dhe ish-presidentit e ka nderuar edhe me një minutë heshtje.
Pacolli tha se me rastin e fillimit të fushatës sot në shenjë mirënjohje për të gjithë dëshmorët dhe veprën e presidentit Rugova vendosen një lule për secilin, pasi Prishtina pa gjakun dhe veprën e dëshmorëve nuk do të ishte këtu ku është.
“Konsideroj se ky është gurthemeli i shtetit tonë, është vepra e tyre”, tha ai.